Gürcüstanın Dövlət Bayrağı Günü ilə əlaqədar Xarici İşlər Nazirliyində Gürcüstan Demokratik Respublikasının orijinal bayrağı sərgilənib.

Gürcüstan Xarici İşlər Nazirliyinin məlumatına görə, sözügedən bayraq Xarici İşlər Nazirliyinin təşəbbüsü ilə Yunanıstanda yaşayan venesiya zadəganlarının nəslindən olan Evqeni Daleqqonun ailəsində tapılıb və rəsmi olaraq Gürcüstan tərəfinə təhvil verilib.

Bundan əlavə, Yevgeni Daleqqonun tarixi arxivi Xarici İşlər Nazirliyinə təhvil verilib.

“Tarixi mənbələrə görə, Gürcüstan Demokratik Respublikasının sürgündə olan hökumətinin üzvləri tezliklə geri dönmək ümidi ilə bu dövlət bayrağı Evgeni Daleqqio ilə birlikdə Konstantinopolda qoyublar. Bunu bayrağın ağ zolağında təsis yığıncağının sədr müavini Svimon Madivaninin və təsis yığıncağının üzvü Vasil Tsuladzenin imzaları da təsdiq edir. Evqeni Daleqqio bayrağı aldığını göstərən bir işarə olaraq orada imza atır və imzasını Gürcüstanın Konstantinopoldakı Baş Konsulluğunun möhürü ilə təsdiqləyir.

Gürcüstan Demokratik Respublikasının orijinal bayrağının yalnız beşdə üçü günümüzə qədər gəlib çatmışdır. Tarixi eksponat nümayiş stendində Nazirliyin mərkəzi zalında yerləşdirilib, daha sonra digər eksponatlarla birlikdə Gürcüstanın Diplomatiya Muzeyində yerləşdiriləcək”, – XİN-in mətbuat xidmətindən bildiriblər.