Donald Tramp – Ukraynada dərhal atəşi dayandırmaq və danışıqlara başlamaq lazımdır

Ukraynada dərhal atəşi dayandırmaq və danışıqlara başlamaq lazımdır. – Bu barədə ABŞ-ın seçilmiş prezidenti Donald Tramp özünün “Truth Social” sosial şəbəkəsində yazıb.

Trampın sözlərinə görə, o, Vladimir Putini yaxşı tanıyır və indi onun hərəkətə keçmə vaxtıdır. Donald Trampın qeyd etdiyi kimi, Çin kömək edə bilər.

“Əsəd getdi. Ölkəsindən qaçdı. Onun himayədarı olan Rusiya Vladimir Putinin rəhbərliyi altında daha onu qorumaqda maraqlı deyildi. Rusiyanın orada olması üçün heç bir səbəb yox idi. Onlar heç vaxt başlamamalı olan və yəqin ki, əbədi davam edəcək müharibədə 600.000-ə qədər rus əsgərinin yaralandığı və ya öldürüldüyü Ukraynaya görə Suriyaya maraqlarını itirdilər. Rusiya və İran hazırda zəifləmiş vəziyyətdədir, biri Ukrayna və yoxsul iqtisadiyyat, digəri isə İsrail və onun hərbi uğurları üzündən. Beləliklə, Zelenski və Ukrayna sövdələşmək və bu çılğınlığa son qoymaq istəyirlər. Onlar lazımsız yerə 400.000 əsgər və daha çox mülki vətəndaşı itirdilər. Dərhal atəşi dayandırmaq və danışıqlara başlamaq lazımdır. Çox sayda insan lazımsız yerə itirilir, çoxlu ailə məhv olur və bu belə davam edərsə, daha böyük və daha pis bir şeyə çevrilə bilər. Mən Vladimiri yaxşı tanıyıram. Onun hərəkət etmək vaxtıdır. Çin kömək edə bilər. Dünya gözləyir”, – Tramp sosial şəbəkəsində yazıb.