Donald Tramp Si Dzinpinlə bu il daha iki dəfə, Çində və “Böyük İyirmilik” sammitində görüşəcəyini bildirir

ABŞ Prezidenti Donald Tramp Çin lideri Si Dzinpinin Vaşinqtona səfərindən sonra bəyan edib ki, bu il Çin prezidenti ilə daha iki görüş keçirəcək.

Bu barədə Tramp öz sosial şəbəkəsində yazıb.

ABŞ prezidentinin bildirdiyinə görə, Çin lideri ilə görüş hər iki ölkə üçün “dostluq, güc və uğur rəmzinə” çevrilib.

Trampın sözlərinə görə, o, Si Dzinpinlə noyabrda Çində görüşəcək. Məhz həmin vaxt Çinin Şenjen şəhərində Asiya-Sakit Okean İqtisadi Əməkdaşlıq Təşkilatına üzv ölkələrin liderlərinin sammiti keçiriləcək.

ABŞ Prezidenti çinli həmkarı ilə dekabr ayında da görüşəcəyini elan edib. Görüş Floridanın Mayami şəhərində, “Böyük İyirmilik” (G20) sammiti çərçivəsində keçiriləcək.

“Çox iş görülüb və daha çox iş görüləcək. Növbəti görüşümüzü səbirsizliklə gözləyirəm”, – Tramp yazır.

Məlumat üçün bildirək ki, Çin lideri Si Dzinpin 23-25 ​​sentyabr tarixlərində dövlət səfəri ilə ABŞ-a gəlib. Bu, onun 2015-ci ildən bəri ilk səfəri olub.