Donald Tramp Dövlət Departamentinin sözçüsü vəzifəsinə siyasi şərhçi, Fox News-un keçmiş əməkdaşı Tammi Bryusu namizəd göstərib.
ABŞ-ın yeni seçilmiş prezidenti Donald Tramp Dövlət Departamentinin sözçüsü vəzifəsinə siyasi şərhçi, Fox News-un keçmiş əməkdaşı Tammi Bryusun namizədliyini irəli sürüb. Bu barədə Tramp sosial şəbəkədə yazıb.
Trampın sözlərinə görə, Bruce Amerikanı Yenidən Möhtəşəm Et (MAGA) siyasi hərəkatının gücünü və əhəmiyyətini erkən anlayıb.
“O, Cənubi Kaliforniya Universitetində siyasi elmlər üzrə bakalavr dərəcəsi alıb və 1990-cı illərdə liberal fəal kimi radikal solun yalanlarını və saxtakarlığını görüb. Tezliklə o, radio və televiziyanın ən güclü mühafizəkar səslərindən birinə çevrildi”. – Tramp yazıb.
Tammy Bruce 2005-ci ildə Fox News-a qoşuldu. Televiziya şirkətinin məlumatına görə, o, təxminən 20 il ərzində Fox News-a çox dəyərli töhfə verib.
Məlumat üçün bildirək ki, Florida ştatından senator Marko Rubionun namizədliyi Donald Tramp tərəfindən dövlət katibi vəzifəsinə irəli sürülüb.