Donald Tramp Co Baydeni Amerika tarixinin ən pis prezidenti və tam bir fəlakət adlandırıb

ABŞ-ın yeni seçilmiş prezidenti Donald Tramp Yeni Orleandakı hücumdan sonra Co Baydenin immiqrasiya siyasətini tənqid edib.

“Baydenin “açıq sərhədlər siyasəti” səbəbindən, kampaniya mitinqlərində və başqa yerlərdə dəfələrlə qeyd etdiyim kimi, Amerikada radikal İslam terrorizmi və zorakı cinayətin digər formaları o qədər pisləşəcəkdi ki, bunu təsəvvür edə bilmirdik.” Bu vaxt gəldi və bizim təsəvvür etdiyimizdən də pisdir”. – Tramp sosial şəbəkədə yazıb.

Bundan əlavə, Donald Tramp Baydeni “Amerika tarixinin ən pis prezidenti” və “tam bir fəlakət” adlandırıb.

Məlumat üçün bildirək ki, yanvarın 1-də ABŞ-ın Yeni Orlean şəhərində yük maşını izdihamın üzərinə çırpılıb, azı 15 nəfər həlak olub. Federal Təhqiqatlar Bürosunun məlumatına görə, onlar hücumçunun avtomobilində İslam Dövləti bayrağı tapıblar.