ABŞ Prezidenti Donald Tramp bəyan etdi ki, onun prezident olduğu sürəcdə, İran nüvə silahına sahib ola bilməyəcək.

Bu barədə bəyanatı ABŞ prezidenti Ağ Evdə keçirdiyi brifinqdə verdi.

Trampın dediyinə görə, İranın raket hücumu amerikan bazalarına minimal bir zərər verdi, yaralanan və zərər görən amerikan vətəndaşları yoxdur.

Tramp qeyd etdi ki, İrana qarşı sanksiyalar qüvvədə qalır.

“İranlılar daha sakit oldular və bu bütün dünya üçün yaxşı bir əlamətdir. İranın regionu destabilizasiya etdiyi zamanlar artıq başa çatdı.

İran güclü bir ölkə ola bilər, ancaq bütün sivil dünya siqnal verir ki, belə bir kurs davam edə bilməz. NATO Yaxın Şərgin işlərində daha fəal şəkildə iştirak etməlidir.

Amerika güclüdür, raketlərimiz dəqiq və güclüdür, ancaq biz onlardan istifadə etmək istəmirik.

Biz İŞİD-i ləğv etdik. Biz Al-Bağdadiyi öldürdük. Biz terora dəstək olan bütün cəhdləri ləğv etməliyik” – dedi Donald Tramp.