Kaxeti bölgəsində, Ğvareli munisipalitetinin Şilda kəndi yaxınlığındakı meşədə yanğının lokallaşdırılması və söndürülməsi işləri fəal şəkildə aparılır. Yanğının söndürülməsi prosesinə Daxili İşlər Nazirliyinin Fövqəladə Hallar İdarəsi Xidmətinin, Müdafiə Qoşunlarının Milli Qvardiyasının və Milli Meşə Agentliyinin əməkdaşları cəlb olunublar.

Daxili İşlər Nazirliyində bəyan etdiklərinə görə, yanğın-xilasetmə və digər növ xüsusi texnika və bütün müvafiq xidmətlər səfərbər olunublar.

“Yanğının söndürülməsi prosesi ilə paralel olaraq yanğının ocaqlarına yollar çəkilir.

Lokallaşdırma və söndürülmə işlərinə Daxili İşlər Nazirliyinin Sərhəd Polisinin aviasiyası cəlb olunub”, – DİN-də bəyan edirlər.