Fransanın Gürcüstandakı səfiri Dieqo Kolasın sözlərinə görə, o, Fransanın Avropa İttifaqında prezidentliyi dövründə Gürcüstana Avropa perspektivinin verilməsi ilə fəxr edir.

Onun sözlərinə görə, namizəd statusuna nail olmaq üçün bütün siyasi qüvvələr tərəfindən səfərbərliyə ehtiyac var. Səfir, bu prosesdə birliyin vacib olduğunu bildirib.

“Gürcüstana Avropa perspektivi verildi. Mən fəxr edirəm ki, bu, Fransanın Avropa İttifaqında prezidentliyi dövründə baş verdi. Namizəd statusu almaq üçün hansı işlər görülməlidir ? Bu nəticəni əldə etmək üçün bütün siyasi qüvvələr öz diqqətlərini bu mükafata yönəltməlidirlər. Biz kömək etməyə hazırıq. Franko-Almaniya kontekstində etdiyimiz hər şey bu transformasiya layihələrinə kömək etməkdir. Fikrimcə, hər kəsin bir olması vacibdir. Parlamentdə başlayan proses sevindirici əlamətdir. Vətəndaş cəmiyyəti təşkilatlarının yaxşı ideyaların müzakirəsini təşkil etməsi də sevindirici əlamətdir. Beləliklə, yaxşı nəticələr əldə etmək üçün bütün bunlar birləşdirilməlidir” -deyə Dieqo Kolas bildirib.

Bununla yanaşı, Dieqo Kolas bu qüvvələri bir araya gətirmək üçün imkanlar tapmağın hər kəsin məsuliyyəti olduğunu hesab edir.

“Ümid edirəm ki, hər iki tərəf qarşı tərəfin nə təklif etdiyini görmək, etimadın yaranması üçün buna istinad etmək qabiliyyətini özündə tapacaq. Bunun mümkünlüyünə və hər kəsin bu nəticələrə nail olmaq üçün enerjini cəmləməkdə rahat olacağına ümid edirəm” -deyə Dieqo Kolas bildirib.