Avropa Komissiyası rekomendasiyaları bir araya gətirdi. Onlar birinin digərindən daha vacib olduğunu deməyiblər. Onların hamısı vacibdir, hamısı həll edilməlidir – deyə Corc Buş İnstitutunun qlobal siyasət üzrə direktoru Devid Kramer Avropa Birliyinin 12 bəndi ilə bağlı bildirib.

O , Gürcüstan hökumətinin Avropa İttifaqının təqdim etdiyi rekomendasiyaları yerinə yetirəcəyinə ümid etdiyini bildirib.

Bununla yanaşı, Devid Kramer Gürcüstanı dəstəkləmək üçün hamının birlikdə çalışmalı olduğunu bildirib.

“Bu bənzəri olmayan unikal konfransdır . Bu il xüsusilə vacibdir, çünki biz Ukraynaya həmrəylik nümayiş etdirmək istəyirik. Gürcüstanın Ukrayna ilə ortaq cəhətləri çoxdur. Rusiya 2008-ci ildə Gürcüstanı işğal edib. Onun əraziləri hələ də Rusiya qüvvələri tərəfindən işğal olunub. Hazırda minlərlə insanın həlak olduğu Ukraynada qaynar müharibə gedir. Biz həmçinin Gürcüstana dəstəyimizi göstərmək istəyirik. Gürcüstan çətin dövrlərdən keçib. ABŞ Gürcüstanın ən yaxşı dostu və müttəfiqidir. Biz dəstəkləmək üçün buradayıq, çünki uğurlu Gürcüstan həm Gürcüstanın, həm də Avropanın və ABŞ-ın maraqlarındadır. Avropa Komissiyası rekomendasiyaları bir araya gətirdi. Onlar birinin digərindən daha vacib olduğunu deməyiblər. Onların hamısı vacibdir, hamısı həll edilməlidir. Gürcüstan əhalisi açıq şəkildə Avropa İttifaqına üzvlüklə bağlı öz dəstəyini ifadə etdi, onlar namizəd statusunu istəyirlər, hökumətin şərtləri yerinə yetirə biləcəyinə ümid edirəm. Bu, həm Gürcüstanın, həm də Avropa İttifaqının və ABŞ-ın maraqlarına uyğun olacaq. Belə ki, bu məqsədə çatmaq üçün biz Gürcüstanı dəstəkləmək istiqamətində birlikdə çalışmalıyıq” – deyə Devid Kramer bildirib.

Tbilisidə “Ukraynaya şöhrət” VI beynəlxalq konfrans keçirilir.