Dekabrın 5-də Özbəkistanın hökumət nümayəndə heyəti – Özbəkistan xarici işlər nazirinin müavini, Özbəkistanın səlahiyyətli səfiri, Özbəkistan Xarici İşlər Nazirliyinin departamentinin rəhbəri, Özbəkistan Respublikasının Turizm Departamentinin rəhbəri və digər diplomatik korpusun nümayəndələri Tbilisidə rəsmi səfərdə olacaqlar. Məlumatı Milli Turizm Administrasiyası yayır.

Verilmiş məlumatda nümayəndə heyətinin rəsmi olaraq Gürcüstanın ən böyük turizm şirkəti “Check-in Travel” tərəfindən qəbul olunacağı deyilir.

“Biltmore” mehmanxanasında “Check-in Travel” şirkətinin baş direktoru İa Qedavanişvili və Özbəkistanın səlahiyyətli səfiri Baxrom Əşrəfxanov Bakhrom Ashrafkhanov arasında əməkdaşlıq memorandumu rəsmi olaraq imzalanacaq. Memorandum Gürcüstan və Özbəkistan respublikaları arasında sıx iqtisadi, turizm və sosial əlaqələrin dəstəklənməsini və inkişafını nəzərdə tutur.

Birgə səylərlə Gürcüstan və Özbəkistan İpək Yolunun əsas oyunçularına çevrilməlidirlər. Buradaca qeyd etmək lazımdır ki, 2023-cü ilin turizm mövsümü ərzində “Check-in Travel” Özbəkistan Respublikasından 33 birbaşa çarter reysini qəbul edib, bu da ölkə tarixində görünməmiş rəqəmdir. “Checkin Group” şirkəti rəsmi olaraq Özbəkistanın əsas ev sahibi təşkilatı kimi ölkə iqtisadiyyatına ən böyük töhfə verən şirkət adlandırılıb”- Milli Turizm Administrasiyasının məlumatında qeyd olunur.