Xoşbəxtəm ki, həyatımın heç bir mərhələsində, siyasi və ya vətəndaş fəallığı zamanı Kezeraşvili ilə heç bir əlaqəm olmayıb və niyətim də yoxdur. Əgər kimsə vəd veribsə və sonra məyus olubsa, günahı özündə axtarsın-deyə “Lelo” partiyasının üzvü Davit Usupaşvili bildirib.

Usupaşvili dünən Gürcüstanın Birinci Kanalında Nika Melianın “Kezeraşvili siyasi spektrdən nə qədər uzaq olsa, bu, həm şəxsən onun özü üçün, həm də gürcü siyasi həyatı üçün, xüsusən də İvanişviliyə qarşı mübarizə prosesində bir o qədər yaxşı olacaq” -deyə verdiyi bəyanatını şərh edib.

Davit Usupaşvilinin sözlərinə görə, elə insanlar var ki, onunla münasibət qurmağı cəmiyyət üçün faydalı hesab etmir.

“Xoşbəxtəm, çünki elə insanlar var ki, onlarla münasibəti heç bir mərhələdə cəmiyyət üçün faydalı hesab etmirdim. Baxışlarına, siyasi, rəsmi və ya tərcümeyi halına görə belə insanlar var. Bu o demək deyil ki, onlar pis insanlardır, lakin onlar istər siyasətçi, istərsə də siyasətə kömək edən iş adamının necə olması barədə mənim düşüncələrimə uyğun gəlmir” -deyə Davit Usupaşvili bildirib.