Davit Serqeenkonun deputat səlahiyyətlərinə xitam verilib. Qanunverici orqanın 78 deputatı bu barədə qətnamənin lehinə, 2-si isə əleyhinə səs verib.

2023-cü ilin oktyabrın 27-də Davit Serqeenko parlamentin sədrinə mandatına vaxtından əvvəl xitam verilməsi ilə bağlı müraciət edib. Prosedur Məsələləri və Qaydalar Komitəsi bu gün səhər saatlarında onun yazılı müraciətinin həqiqiliyini müzakirə edib və müsbət rəyi büroya göndərib, daha sonra məsələ gündəliyə daxil edilib və plenar iclasda müzakirə olunduqdan sonra səsə qoyularaq dəstəklənib.

“Cənab Davitə parlamentdəki fəaliyyətinə görə təşəkkür edirik və ona gələcək işində uğurlar arzulayırıq”-deyə parlamentin sədri Şalva Papuaşvili açıqlayıb.