Abxaziya Gürcüstanın bir hissəsidir, işğal müvəqqətidir və Rusiya-Belarus ittifaqı ilə heç bir inteqrasiya heç bir beynəlxalq qayda və qanunlara uyğun olmayacaq- bu barədə Gürcüstan parlamentinin vitse-spikeri Davit Serqeenko Rusiya Dumasının MDB Komitəsinin sədri Konstantin Zatulinin bəyanatı ilə əlaqədar bildirib.

Söhbət Konstantin Zatulinin “Abxaziyanın Rusiya və Belarus dövlətlərinin ittifaqına qoşulması rusların daşınmaz əmlak alması məsələsini həll etməyə şərait yaradacaq” -deyə səsləndirdiyi bəyanatdan gedir.

Serqeenko bildirib ki, “Baş verənlər o qədər inanılmazdır ki, uzun sürməyəcək”.

“Beləcə “maskalayırlar”, belə olur və bunu həm də 270-dən çox ölkədən ümumilikdə üçünün Abxaziyanın “müstəqilliyini” tanıması da göstərir. Baş verənlərin o qədər inanılmaz olduğunu nəzərə alaraq, uzun sürməyəcəyinə dərindən inanıram. İnanıram ki, biz yenidən eyni dildə danışmağa başlayacağıq – mən vahid siyasi baxışı nəzərdə tuturam və biz yenidən birlikdə olacağıq”– deyə Davit Serqeenko bildirib.

İşğal olunmuş Abxaziyanın separatçı rejiminin de-fakto prezidenti Aslan Bjaniya, Suxuminin Rusiya və Belarus dövlətlərinin ittifaqına qoşulmağa hazır olduğunu bildirib.