Ölkəmizin dostu Şarl Mişel mühüm bəyanatla çıxış etdi və bununla, bir daha aydın oldu ki, Avropanın genişlənməsi geri dönməz prosesdir, yerimiz həqiqətən də Avropa İttifaqındadır – “Milli Hərəkat”ın üzvü Davit Kirkitadze bu barədə danışıb

Kirkitadze bildirib ki, bu yolda “Gürcü Arzusu” və Rusiya şəklində sədd qalır, lakin bu sədd də aşılacaq.

“Təəssüf ki, bu yolda iki sədd qalır – Gürcüstanın status almaması, eləcə də Avropa İttifaqının tamhüquqlu üzvü olmaması üçün hər şeyi edən “Gürcü Arzusu” iqtidarı. Rusiya hökumətinin mövqeyini onsuz da bilirdiniz. Mən çox təəssüf edirəm ki, Gürcüstan hökumətinin və Rusiyanın ölkəmizin Avropa perspektivi ilə bağlı mövqeləri bir-biri ilə üst-üstə düşür, lakin mən dərindən əminəm ki, gürcü xalqının tarixi yerinə qayıtmaq istəyi o qədər böyük və mühümdür ki, biz bu səddi aşacağıq, status alacağıq və Avropa İttifaqının tamhüquqlu üzvü olacağıq” – deyə Davit Kirkitadze qeyd edib.

Avropa Şurasının Prezidenti Şarl Mişel dünən Sloveniyada strateji forumda çıxış edərkən belə deyib: “Mövqeyimiz Ukrayna və Moldova ilə üzvlük danışıqlarına başlamaqdır və mən həmçinin Bosniya və Herseqovina və Gürcüstan məsələsinin də danışıqlar masasına geri dönəcəyini gözləyirəm”.