Gürcüstan Rusiyanın psevdoreferendum nəticəsində Ukrayna bölgələrini qanunsuz aneksiya etmək cəhdini pisləyir və bir daha Ukraynanın müstəqilliyini, suverenliyini və beynəlxalq səviyyədə tanınmış sərhədləri və ərazi suları daxilində ərazilərini sarsılmaz dəstəklədiyini bəyan edir, – bu barədə Gürcüstanın BMT-dəki səfiri, David Bakradze BMT Baş Assambleyasında bəyan etdi.

Səfirin dediyinə görə, Ukraynaya indi hamı dəstək olmalıdır.

“2008-ci ildə Rusiya tərəfindən işğal olunmuş bir ölkənin daimi nümayəndəsi kimi çox açıq olmaq istəyirəm, vaxtın əhəmiyyəti var, sözlərin əhəmiyyəti var və bu gün həyata keçirəcəyimiz hərəkətin əhəmiyyəti var. Bunun, gələcək nəsillərin gələcəyi, Birləşmiş Millətlər Təşkilatının gələcəyi və onun qarşıdakı aylarda və illərdə dünyanın ən aktual problemlərini dəf etmək və həll etmək qabiliyyəti üçün əhəmiyyəti var. Suverenlik və ərazi bütövlüyü prinsiplərini, BMT xartiyası prinsiplərini müdafiə etmək üçün aydın siqnal göndərmək bizim kollektiv məsuliyyətimizdir”, – Bakradze bəyan etdi.