Borcomi Munisipalitetində yanğın ocaqlarının əksəriyyəti hazırda söndürülüb. Güclü külək və yüksək temperatur hələ də yanğının söndürülməsinə mane olur-bu barədə Gürcüstan Daxili İşlər Nazirliyi məlumat yayır.

Onların verdiyi məlumata görə, bu gün səhər saatlarından etibarən yanğının söndürülməsinə sərhəd polisinin helikopterləri və Türkiyə Respublikasının 3 ixtisaslaşdırılmış yanğınsöndürmə təyyarəsi cəlb olunub.

“Mürəkkəb relyefdə bir neçə kilometr uzunluğunda yanğın magistralları açılıb, onların köməyi ilə yanğın ocaqları üzərində işlənilir. Yanğının yaşayış məntəqələrinə və ya strateji obyektlərə keçməməsi üçün yanğın əleyhinə bütün müvafiq tədbirləri görülür. Çətin lokallaşdırma və likvidasiya işlərinə baxmayaraq, yanğının söndürülməsində iştirak edən qurumların heç bir nümayəndəsi xəsarət almayıb” -deyə Daxili İşlər Nazirliyinin məlumatında qeyd olunur.