Daxili İşlər Nazirliyinin Acara Polis Departamentinin Batumi şöbəsinin rəisi, İrakli Dqebuadze gəmidə standart prosedurların keçirilməsi ilə bağlı mediaya şərh verib və qeyd edib ki, limana daxil olan bütün gəmilər oxşar prosedurdan keçir.

Onun sözlərinə görə, hüquq-mühafizə orqanlarının əməkdaşları gəmiyə qanunun tələblərinə tam əməl etməklə çıxıblar.

“Batumi limanına daxil olan istənilən kruiz gəmisinə polis çıxır, yoxlayır və müvafiq tədbirlər görür. Bu standart prosedurdur. Müvafiq olaraq, polis qanunun qaydalarına tam əməl etməklə sözügedən gəmiyə çıxmışdı” – deyə İrakli Dqebuadze açıqlayıb.

Patrul Polis Departamentinin, Sərhəd İdarəetmə və Əlaqələndirmə Baş İdarəsinin sərhəd-nəzarətçiləri daxil olan gəmilərdə müvafiq yoxlama prosedurlarını həyata keçirirlər.