Daxili İşlər Nazirliyinin Mərkəzi Kriminal Polis İdarəsinin Mütəşəkkil Cinayətkarlıqla Mübarizə Baş İdarəsinin əməkdaşları həyata keçirdikləri kompleks əməliyyat tədbirləri və istintaq fəaliyyətləri nəticəsində hakimin hökmü əsasında, “oğru dünyası”nın fəaliyyətinə dəstək göstərmək ittihamı ilə 1964-cü il təvəllüdlü Ş.K. həbs olundu.

Daxili İşlər Nazirliyindən verilən məlumata görə, cəzaçəkmə müəssisəsində 1981-ci il təvəllüdlü İ.Ş-yə də eyni ittiham irəli sürülüb. “Oğru dünyası”nın üzvü olması ilə bağlı ittiham hazırda Gürcüstandan kənarda olan və İnterpolun qırmızı sirkulyasiyası ilə axtarışda olan 1993-cü il təvəllüdlü E.M.-yə qiyabi şəkildə irəli sürülüb.

Adıçəkilən cinayətlər 10 ilə qədər həbslə cəzalandırılır.

Hüquq-mühafizə orqanları əməkdaşlarının gücləndirilmiş iş rejimində apardıqları araşdırma zamanı bir neçə cinayət epizodu aşkar edilib, xüsusilə də təqsirləndirilən şəxslərin “qanuni oğru” və kriminal avtoritet adı ilə müxtəlif sahibkarlıq fəaliyyəti ilə məşğul olan şəxslərlə əlaqə saxlayıb, “oğru payı” forması ilə pul ödənilməsini istəmələri. Həmçinin zərərçəkmişlərə hədə-qorxu gəlmək məqsədi ilə müşahidə nəticəsində çəkilmiş fotoşəkillər göndərilib, itaətsizlik halında isə həyatlarını məhv etməklə hədələyiblər.

İstintaq Gürcüstan Cinayət Məcəlləsinin 223-cü prima maddəsinin birinci hissəsi və 223-cü maddəsinin 3-cü prima maddəsinin ikinci hissəsi ilə aparılır.