Cuanşer Burchuladze Ermənistanın yeni səfiri ilə görüşüb

13:00, 19.09.2022

Gürcüstanın müdafiə naziri Cuanşer Burchuladze Ermənistan Respublikasının Gürcüstandakı yeni səfiri Aşot Smbatyanı Müdafiə Nazirliyində qəbul edib.

Nazir səfiri yeni vəzifəsinə təyin olunması münasibətilə təbrik edib, ona uğurlar arzulayıb.

Müdafiə Nazirliyi tərəfindən verilən məlumatda, tanışlıq xarakteri daşıyan görüşdə tərəflərin Gürcüstan və Ermənistan arasında mehriban qonşuluq və dostluq münasibətlərindən danışdıqları deyilir. Qeyd olunub ki, Gürcüstan regionda sabitliyə təkan verən balanslaşdırılmış siyasəti dəstəkləyir.

Görüşdə iki ölkənin müdafiə qurumları arasında ikitərəfli əməkdaşlığın cari məsələləri və gələcək planlar müzakirə olunub.

Müəllif - Sevinj Mustafaeva

Siyasət