Biz Gürcüstanla bağlı debatlar apardıq, ardıcıl ikinci dəfədir ki, Gürcüstanda baş verən narahatedici siyasi prosesləri, o cümlədən şəffaflıq haqqında qanunu müzakirə edirik, təəssüf edirik ki, Avropa İttifaqı və onun dəyərləri haqqında rəsmilər tərəfindən yayılan dezinformasiyalar geniş yayılmışdı, – Bu barədə Avropa İttifaqının ali nümayəndəsi Cozef Borrell bildirib.

Borell bildirir ki, “Şəffaflıq qanunu” və onun ətrafında mövcud mənfi inkişaf Gürcüstanı Avropa İttifaqından uzaqlaşdırır.

“Yüksək rütbəli məmurlardan eşitdik ki, bu qanun bizi Avropa İttifaqına yaxınlaşdırır. Mən çox açıq olmaq istəyirəm – yox, yox, bu qanun və onun ətrafında mövcud mənfi inkişaf Gürcüstanı Avropa İttifaqından uzaqlaşdırır. Daha aydın ola bilmərəm. Bu, Gürcüstanı Avropa İttifaqından ayırır. Bu bəyanatı 27 üzv dövlətdən 26-sı dəstəkləyir. Vəziyyətin siyasi qiymətləndirilməsində buna ehtiyacımız olmasa da, yekdillik yoxdur. Biz bilirik ki, bu dinamika gürcü xalqının əksəriyyətinin iradəsinə ziddir və bu gün nazirlərin əksəriyyəti Gürcüstan hökumətinin ölkəni Avropa İttifaqından ayırdığını çox açıq şəkildə ifadə etdi”, – Borrell bildirib.

Cozef Borrellin bildirdiyinə görə, “hökumət öz fəaliyyətlər kursunu dəyişməsə, Gürcüstan Avropa İttifaqının yolunda irəli gedə bilməyəcək”.

“Paralel olaraq, biz vətəndaş cəmiyyətinə və mediaya dəstəyimizi artıracağıq. Dezinformasiyaya qarşısında duracağıq, seçki prosesinə qarşı dəstəyi artıracağıq. Biz iş variantı hazırlamışıq və vəziyyətə nəzarət etmək, tədbirləri uzlaşdırmaq üçün davam edirik. Biz siyasi konteksti və Gürcüstana əlçatanlığı azaldacağıq, hökumət üçün maliyyə yardımının dayandırılmasını nəzərdən keçirəcəyik və Avropa Sülh Fondundan dəstəyimizi nəzərdən keçirəcəyik. Bunu dərhal etmək olar, hərçənd, biz vəziyyəti izləməyə davam edəcəyik və vəziyyətin daha da pisləşməsi halında, əlavə tədbirlər görəcəyik. Mən vurğulamaq istəyirəm ki, biz gürcü xalqının yanındayıq, demokratiyanın, onların çoxluğunun seçiminin və Avropa İttifaqında Gürcüstanın gələcəyinin yanındayıq”, – Borrell bildirib.

Bununla yanaşı, Avropa İttifaqının ali nümayəndəsinin dediyinə görə, Avropa Sülh Fondunun Gürcüstana dəstək planının dayandırılması üzv dövlətlərin yekdilliyini tələb etmir.

“Hökumət üçün maliyyə yardımının dayandırılması elə bir şeydir ki, şuranın üçdə ikisinin dəstəyi ilə komissiya bunu həyata keçirir. Avropa Sülh Fondunun Gürcüstana dəstək planının dayandırılması da həmçinin, yekdillik tələb etmir. Dəstək vermək üçün yekdillik lazımdır, dayandırmaq üçün deyil. Başqa məsələlər üçün yekdillik lazım ola bilər, hərçənd, hazırda onları əlavə nəzərdən keçirmək lazımdır”, – Borrell bildirib.