Avropa İttifaqı Kiyevin ukraynalı hərbçilərə Ukraynada təlim keçmək xahişini rədd edib, hərçənd, onları Ukrayna ərazisinə mümkün qədər yaxın ərazidə hazırlayacaq.

Avropa İttifaqının Ali Nümayəndəsi Cozef Borrellin Brüsseldə keçirilən qeyri-rəsmi müdafiə nazirlərinin toplantısının sonunda bildirdiyi kimi, bəzi Avropa İttifaqına üzv olan dövlət bunun əleyhinə idi.

“Ukraynada hazırlıq – niyə olmasın?” Onlar (Ukrayna hərbçiləri) döyüşməli olduqları mühitə daha yaxın olacaqdılar. Bu daha məqsədəuyğun olardı. Bəzi üzv dövlət hazır idi, bəziləri isə əleyhinə idi. Son olaraq, qərara gəldik ki, təlim Ukrayna ərazisində deyil, mümkün qədər Ukraynaya yaxın olacaq”, – Avropa İttifaqının ali nümayəndəsi bildirib.

Borrellin söylədiyinə görə, Rusiyanın genişmiqyaslı müdaxiləsindən sonra 60 minə qədər ukraynalı hərbçi Avropa İttifaqında təlim keçib və nazirlər ilin sonuna qədər daha 15 min əsgərin təlim edilməsi ilə bağlı razılığa gəliblər.

“Reuters”in yazdığı kimi, Kiyev Avropa İttifaqından bəzi təlimlərin Ukrayna ərazisində keçirilməsininin daha sürətli, iqtisadi cəhətdən səmərəli və logistik cəhətdən daha sadə olacağı arqumenti ilə
nəzərdən keçirməyi xahiş edib. Hərçənd, Aİ-nin bəzi üzvü qoşunların Ukrayna daxilində yerləşdirilməsinə qarşıdır.