Ölkəsi rotasiya prinsipi ilə Avropa İttifaqına sədrlik edən Macarıstanın baş naziri Türkdilli Dövlətlər Təşkilatının Şuşa şəhərində keçirilən sammitində iştirak edib. Bu, Avropa İttifaqı rəhbərliyinin narazılığına səbəb olub. Brüssel Orbanın müvafiq səlahiyyətlərə malik olmadığını bildirib.

Bundan əlavə, Avropa İttifaqının xarici siyasət departamentinin rəhbəri Cozef Borrelin izah etdiyi kimi, Orbanın səfəri Macarıstan və Azərbaycan arasında ikitərəfli əlaqələr çərçivəsində baş tutub. Borelin sözlərinə görə, Macarıstan rotasiya prinsipinə görə Avropa İttifaqının sədridir, lakin bu, Macarıstanın xarici arenada Aİ-ni təmsil etməsi demək deyil.

Türkdilli Dövlətlər Təşkilatı 2009-cu ildə yaradılıb. Macarıstan bu təşkilatda müşahidəçi ölkə statusuna malikdir.