Cozef Borrel – ABŞ-ın nə etməsindən asılı olmayaraq, Avropa İttifaqı Ukraynanı dəstəkləməyə davam edəcək

Avropa İttifaqının xarici siyasət və təhlükəsizlik üzrə ali komissarı Cozef Borrel, ABŞ-ın nə etməsindən asılı olmayaraq, Avropa İttifaqı Ukraynanı dəstəkləməyə davam edəcək.
Borellin sözlərinə görə, nə qədər ki, ukraynalılar Rusiyanın təcavüzünə müqavimət göstərəcəklər, Avropa İttifaqı da onlara dəstək verəcək.

Borell bunu BMT Təhlükəsizlik Şurasının sessiyasından sonra jurnalistin Donald Trampın Ağ Evə mümkün qayıdışı və müharibəni dayandıra bilməsi ilə bağlı sualına cavab verərkən deyib.

“Hazırda Tramp yalnız namizəddir. Mən onun təkliflərini nəzərdən keçirmək üçün Ağ Evə qayıdana qədər gözləyəcəm. Əvvəlcə heç kim Ukraynanın müqavimət göstərəcəyini düşünmürdü və biz ilk növbədə Ukraynaya nə təklif etmişik? Biz dəbilqə təklif etdik, indi isə F-16-ları təklif edirik. Fərq nəzərə çarpır, elə deyilmi? Biz davam etməliyik. Yeni prezident, amerikalıların nə edəcəyini və ya etməyəcəyini bilmirəm, amma bu günə qədər Avropa İttifaqınin dəstəyi – hərbi, mülki, iqtisadi, maliyyə, humanitar – ABŞ-dan daha çoxdur. Bizim ödədiyimiz məbləğ 100 milyard avrodan çoxdur, bunun 45 milyardı hərbi dəstək üçündür. Təbii ki, bu, ABŞ-ın hərbi dəstəyindən az olsa da, həm də mühüm rəqəmdir”. Borel bildirib.

Eyni zamanda, Avropa Birliyinin ali nümayəndəsi vurğuladı ki, Ukraynanın kapitulyasiyası və onun ikinci Belarusa çevrilməsi müharibəni bitirmək üçün ən sürətli yol deyil.