Gürcüstanın Milli Turizm Administrasiyasının dəstəyi ilə, Corc Vaşinqton Universitetinin Turizm və Biznesin idarə edilməsi üzrə bir qrup tələbə-tədqiqatçısı Qafqaz Universitetində iki həftəlik səfərdə oldu. Səfər Qafqaz Universiteti, Corc Vaşinqton Universiteti və Gürcüstan Milli Turizm Administrasiyasının birgə tədqiqat layihəsi çərçivəsində baş tutdu. Layihə USAID-in İqtisadi Təhlükəsizlik Proqramı tərəfindən dəstəklənir. Məlumatı Milli Turizm Administrasiyası yayır.

“Səfər çərçivəsində Corc Vaşinqton Universitetinin professor və tələbələri Qafqaz Universitetinin Turizm tələbələri ilə birgə gürcü şərabı və qastronomiya turizminin potensialını öyrənirlər. Kaxeti bölgəsinin nümunəsində birgə araşdırma aparılır, onun çərçivəsində müvafiq tövsiyələr hazırlanacaq. Kaxetidə şərab və qastronomiya turizmi xidmətlərinin əsas obyektləri ilə bağlı tələbələrlə müsahibə aparılacaq, araşdırmalar nəticəsində yeni məhsulların təklif edilməsi, keyfiyyətin yüksəldilməsi, yeni bazarların araşdırılması və digər mövzularda tövsiyələr hazırlanacaq.

Tədqiqat başa çatdıqdan sonra Qafqaz Universitetində Milli Turizm Administrasiyası və turizm sənayesi nümayəndələri üçün təqdimat keçiriləcək”, – Milli Turizm Administrasiyasında bəyan edirlər.