Biz qanunun geri çəkilməsindən dolayı şadıq, Gürcüstanın demokratik gələcəyini və transatlantik istəklərini dəstəkləməyə davam edirik- bu barədə Ağ Evin milli təhlükəsizlik məsələləri üzrə strateji kommunikasiyalar koordinatoru Con Kirbi Gürcüstan Prezidenti Salome Zurabişvili və ABŞ Prezidentinin milli təhlükəsizlik məsələləri üzrə müşaviri Ceyk Sallivan arasında keçirilən görüşü şərh edərkən bildirib.

Salome Zurabişvili bu gün ABŞ Prezidentinin müşaviri Ceyk Sallivan ilə görüşüb.

Salome Zurabişvili görüşün fotosunu da paylaşıb.

Bundan əlavə, “Hill” nəşrinin jurnalistinin verdiyi məlumata görə, görüş barədə Ağ Evin milli təhlükəsizlik məsələləri üzrə strateji kommunikasiyalar koordinatoru Con Kirbi məlumat verib.

Kirbi Salome Zurabişvili və Ceyk Sallivanın son hadisələri, o cümlədən mübahisəli qanunvericiliyə qarşı etirazları müzakirə etmək imkanı əldə etdiklərini qeyd edib.

Kirbinin açıqladığı üzrə, Bayden administrasiyası qanunvericiliyin gürcü QHT-lərinə “çəkindirici təsir” göstərəcəyindən dərin narahat olub.

“Biz qanunun geri çəkilməsindən dolayı şadıq, Gürcüstanın demokratik gələcəyini və transatlantik istəklərini dəstəkləməyə davam edirik” -deyə Kirbi mediaya açıqlayıb.

Bununla yanaşı, Con Kirbinin qeyd etdiyi kimi, Gürcüstanda daha çox islahatlara ehtiyac var.

O, Ceyk Sallivanın Gürcüstan Prezidentinə ABŞ-ın bu məsələdə Gürcüstanla işləməyə davam edəcəyini açıq şəkildə çatdırdığını bildirib.