Əgər Uca Tanrı yer üzünə enib mənə prezidentlik yarışından çıxmağımı söyləsəydi, edə bilərdim, amma Tarnrı yer üzünə gəlməyəcək – ABŞ prezidenti Co Bayden “ABC” teleşirkətinə müsahibəsində belə deyib və bununla da jurnalistin “Trampı məğlub edə bilməyəcəyinə əmin olsalar, seçki marafonunu ləğv edəcək” sualını cavablandırıb.

“Mən özümü iki şeyə inandırdım ki, mən ən bacarıqlı insanam və Trampı necə məğlub etməyi, nəticə əldə etməyi bilirəm”. – Bayden dedi.

Eyni müsahibədə Bayden “koqnitiv testi” verməkdən və nəticələrini ictimaiyyətə açıqlamaqdan imtina etdi. Onun sözlərinə görə, o, əslində hər gün Ağ Evdə işləyərkən “koqnitiv test”dən keçir.

ABŞ-ın hazırkı prezidenti onu da qeyd edib ki, onun ilk teledebatda uğursuz çıxışının səbəbi yorğunluq və soyuqluq olub.

“BBC”-nin yazdığı kimi, “ABC” telekanalına 22 dəqiqəlik müsahibədə ABŞ prezidentinin çıxışı Donald Trampla debatdan daha aydın oldu, baxmayaraq ki, Baydenin səsi hələ də zəif idi.

Məlumat üçün bildirək ki, teledebatdan sonra Demokratlar Partiyasının bəzi üzvləri və donorlar Baydeni prezidentlik marafonunu ləğv etməyə çağırıb, o, bundan imtina edib.