“CNN”in ilkin məlumatlarına görə, Respublikaçılar Partiyasından ABŞ prezidentliyinə namizəd Donald Tramp iki yelləncək ştatında qalib gəlib, üç ştatda isə öndədir.Medianın məlumatına görə, Tramp Şimali Karolina və Corciya ştatlarında qalibdir. Səslərin 93%-nin hesablandığı Pensilvaniyada Donald Tramp 51,1%, Harris isə 47,8% səs toplayıb.

Hazırkı məlumatlara görə, Miçiqanda səslərin 61 faizi hesablanıb, Trampın 52 faizi, Harrisin isə 46 faizi səs verib. Viskonsin ştatına gəlincə, səslərin 86%-i hesablanıb. Trampın 51,2%-i, Harrisin 47,2%-i var.

CNN-in məlumatına görə, hazırda Seçicilər Kollegiyasında Trampın 246, Harrisin isə 187 səsi var.

Qalib gəlmək üçün 270 səs lazımdır. Bu qədər səs toplamaq üçün Tramp hazırda liderlik etdiyi 3 ştatdan 2-ni qazanmalıdır.

Məlumat üçün bildirək ki, Seçkilər Kollegiyası hər bir ştatın təmsilçiliyinin əhalinin sayından asılı olduğu ABŞ seçki sistemində həlledici rol oynayır. Seçki kollegiyasında ümumilikdə 538 nümayəndə var və prezidentliyə namizəd seçkilərdə qalib gəlmək üçün 270 səs qazanmalıdır.