Bilirəm ki, siz ikinci müddətə baş nazir kimi ölkəni idarə edirsiniz. Hər iki səlahiyyət müddəti boyunca Gürcüstanın Çinlə münasibətlərini dəyərli şəkildə inkişaf etdirdiniz. Biz bu səyi yüksək qiymətləndiririk-bu barədə Çin Xalq Respublikasının Dövlət Şurasının Baş naziri Li Tsian Gürcüstanın Baş naziri İrakli Ğaribaşvili ilə görüşündə açıqlayıb.

O, Çinin Gürcüstanla münasibətləri və əməkdaşlığı yeni müstəviyə keçirməyə hazır olduğunu bildirib.

“Ümumdünya Universitet Oyunlarının açılış mərasimində iştirak etmək üçün Çinə gəldiyiniz və Pekinə səfər etdiyiniz üçün sizə təşəkkür edirik. Gürcüstanda olduqca məşhur dövlət xadimisiniz və Çin xalqının çoxdankı dostusunuz.

Həmçinin, bilirəm ki, siz ikinci müddətə baş nazir kimi ölkəni idarə edirsiniz. Hər iki səlahiyyət müddəti boyunca Gürcüstanın Çinlə münasibətlərini dəyərli şəkildə inkişaf etdirdiniz. Biz bu səyi yüksək qiymətləndiririk.

Keçən il ölkələrimiz diplomatik əlaqələrin qurulmasının 30-cu ildönümünü qeyd etdi və bir neçə gün əvvəl Çenqdu şəhərində prezident Si Cinpinlə mühüm görüş keçirdiniz. İkitərəfli münasibətlərimizin yeni dövrünə və iki ölkə arasında münasibətlərin dərinləşməsinə dair söhbət aparıldı.

Daha sonra ölkələrimiz iki hökumət və işgüzar dairələrimiz arasında ünsiyyəti və koordinasiyanı artıracaq ticarət-iqtisadi foruma ev sahibliyi edəcək.

Ölkələrimiz tərəfindən ikitərəfli münasibətləri strateji tərəfdaşlıq səviyyəsinə yüksəltmək məqsədi ilə birgə kommünike də dərc olunacaq. Bu, Çin-Gürcüstan münasibətlərində mühüm əlamətdar hadisə olacaq.

Çin Gürcüstanla münasibətləri və əməkdaşlığı yeni müstəviyə keçirməyə hazırdır”- deyə Çin Xalq Respublikasının Dövlət Şurasının Baş naziri açıqlayıb.