Gürcüstan qarşıdan gələn NATO-nun tərəfdaşlıq tədbirlərinə dəvət ediləcək tərəfdaşımızdır, – bu barədə ABŞ dövlət katibinin Avropa və Avrasiya məsələləri üzrə köməkçisi Cim O’Brayen bildirib.

Bununla yanaşı, ABŞ hökumətinin nümayəndəsinin dediyinə görə, Vaşinqton “Gürcü Arzusu” liderlərinin kiçik qrupunun qərarları və ritorikasından çox narahatdır.

“Aydındır ki, Gürcüstan əhalisinin 80-85 faizi Avropa İttifaqı və NATO-ya gələcək inteqrasiyanı istəyir.Bu yaxınlarda baş nazirin, onların son hərəkətlərinin bu yola xələl gətirməyəcəyini gözlədiklərini söylədiyini gördük. Biz çox aydın olmağa çalışdıq və düşünürəm ki, Ali Nümayəndə Cozef Borrell bu gün aydın şəkildə bildirdi ki, son hərəkətlər, müxalifət fiqurlarına qarşı zorakılıq, vətəndaş cəmiyyətinə qarşı zorakılıq, Moskvaya bənzər Xarici Agentlər qanunu, Çin şirkətinə yeni liman təhvil vermək barədə qərar, bütün bunlar ABŞ və Avropa İttifaqında yerləşən beynəlxalq təşkilatlara üzv olmaq arzusu ilə uyğun gəlmir. Buna görə də biz hökuməti öz mövqeyini yenidən nəzərdən keçirməyə çağırırıq və hökumətlə ikitərəfli və ya çoxtərəfli əlaqələrimizi müzakirə etməyə davam etdirəcəyik. Gürcü rəsmiləri ilə müzakirələri davam etdirəcəyik. Bizim səfirliyimiz onlarla ünsiyyətdə çox fəaldır. Bir çox Avropa lideri çox fəal idi. Biz NATO Sammitinin tərəfdaşlığı tədbirlərinə getdiyimiz müddətdə də bu danışıqları davam etdirəcəyik. NATO-nun bütün tərəfdaşı tərəfdaşlıq tədbirlərinə dəvət edilib”, – Cim O’Brayen qeyd edib.