Çexiyanın xarici işlər naziri Yan Lipavskinin sözlərinə görə, Gürcüstan və Çexiya arasında iqtisadi əməkdaşlığın daha da gücləndirilməsi üçün imkanlar, eləcə də gələcək sərmayələr və ticarət dövriyyəsi üçün böyük potensial var.

Bu barədə Yan Lipavski Çexiyada rəsmi səfərdə olan Gürcüstanın xarici işlər naziri İlia Darçiaşvili ilə birgə keçirilmiş mətbuat konfransında danışıb.

“Xarici işlər naziri vəzifəsində səfər edəcəyiniz ilk ölkə olaraq Çexiyanı seçdiyiniz üçün şadam. Ölkələrimiz 30 illik münasibətləri, əməkdaşlığımıza və təcrübəmizə əsaslanan oxşar tarixi bölüşür. İqtisadi əməkdaşlığımızı daha da gücləndirmək üçün olduqca böyük imkan var. Həmçinin, gələcək investisiyalar və ticarət dövriyyəsi üçün böyük potensial var.

Ötən 2021-ci ildə Çexiya Gürcüstana 82 milyon dollardan çox sərmayə qoyub. Mən bu gün nazirə əməkdaşlıq təklif etməyə hazır olduğumu dedim, təkcə əməkdaşlıq deyil, həm də enerji sektoru, kənd təsərrüfatı, ətraf mühit, ekologiya kimi müxtəlif sahələrdə “Nou-hau” təcrübəsi təklif etdim. Naziri əmin etdim ki, Gürcüstan inkişafa yardım baxımından altı prioritet ölkə arasında olmağa davam edəcək” -deyə Yan Lipavski bildirib.

Yan Lipavskinin sözlərinə görə, gürcü həmkarı ilə görüşdə Ukraynadakı vəziyyət də müzakirə olunub.

“Ukraynadakı vəziyyətə və Putinin dəhşətli hərbi təcavüzünə toxunmaya bilməzdik. Hərbi təcavüzü bir daha qınadım və Ukraynanın Avrointeqrasiya ambisiyalarına güclü dəstəyimi ifadə etdim”– deyə Yan Lipavski bildirib.

Bununla yanaşı, Çexiyanın xarici işlər naziri Gürcüstanın Avropanın bir hissəsi olmasını və Avropa İttifaqında Gürcüstanı dəstəklədiklərini bildirib.

“Əlbəttə, bu həmçinin müəyyən öhdəlik yaradır və naziri əmin etdim ki, fikir ayrılıqlarının ola bilməsinə baxmayaraq, biz tərəfdaşlarımıza tam hörmətlə yanaşırıq, onlara hörmət edirik. Və sonda, bu da çox vacibdir, Xarici İşlər Nazirliyi Cənubi Osetiyadakı qondarma seçkiləri qınadı. Gürcüstanın ərazi bütövlüyünü və onu tam dəstəkləyirik, Rusiyanın Abxaziya və Cənubi Osetiyadakı əməllərini qınayırıq”-deyə Lipaski bildirib.

Eyni zamanda, Yan Lipavskinin sözlərinə görə, assosiativ üçlüyün Aİ-yə maksimal şəkildə yaxınlaşmasına kömək etmək üçün hər şey edəcəklər.

“Avropa İttifaqı birlikdir, ənənəvi ölkələrlə yeni üzvlər arasında müzakirələr gedir. Bu, siyasi debatla əlaqədardır və Çexiyanın sədrliyi dövründə biz üzərimizə düşəni edəcəyik, çünki biz birlik olarsa Gürcüstanın Aİ-də olmasını istəyirik. Bütün bunlaradək isə bunun üzərində işləmək lazımdır və aydındır ki, biz Gürcüstana kömək edəcəyik” -deyə Çexiyanın xarici işlər naziri bildirib.