Cabua Amirecibi şosesində torpaq kütləsinin dağılması səbəbindən avtomobillərin hərəkəti müvəqqəti məhdudlaşdırılacaq

13:58, 07.05.2024

Qayalıq yamacın möhkəmləndirilməsi işlərinin aparıldığı Cabua Amirecibi şosesində bol yağıntı səbəbindən torpaq kütləsi dağılıb-məlumatı Tbilisinin Meriyası yayır.

Meriyadan verilən məlumata əsasən, yaranmış vəziyyətdən irəli gələrək bu gün saat 18:00-dək Cabua Amirecibi şosesindəki tuneldən Tamaraşvili küçəsi istiqamətində avtomobillərin hərəkəti tam məhdudlaşdırılacaq.

“Məhdudiyyət müddətində avtomobillər Kakutsa Çoloğaşvili şosesi, Sulxan Tsintsadze və Mixeil Tamaraşvili küçələrindən istifadə etməklə hərəkət edə biləcəklər” -deyə Tbilisinin Meriyasının bəyanatında qeyd olunub.

Müəllif - Sevinj Mustafaeva

İctimaiyyət