Bu gün saat 22:00-da Gürcüstanın Birinci Kanalında səriştəli seçki subyektlərinin nümayəndələrinin iştirakı ilə debatlar keçiriləcək, aparıcı Qiorqi Qvimradze olacaq.

Gürcüstanın Birinci Kanalı debatların beynəlxalq standartlara əməl olunmaqla, namizədlərin öz mövqelərini seçicilərə bərabər şəraitdə təqdim etmək imkanına malik olacağı qərəzsiz mühitdə keçiriləcəyinə dair məsuliyyət götürür.

İştirakçıların sırası onların seçki nömrəsinə əsasən müəyyən edilib. Spikerləri partiyaların özləri seçiblər: “Qirçi” – Aleksandre Rakviaşvili, “Gürcüstanın Vətənpərvərlər Alyansı” – Qoça Tevdoradze, “Avropalı Demokratlar” – Nikoloz Vaşakidze, “Gürcü Arzusu – Demokratik Gürcüstan” – Qivi Mikanadze. Aparıcının suallarından başqa, iştirakçılar da bir-birlərinə suallar verə bilərlər.

Ən azı saat yarım davam edəcək debatlar Birinci Kanalın Politkovskaya 31 ünvanında yerləşən yeni binasında, yeni studiyada keçiriləcək. Partiyaların nümayəndələri öz baxışlarını və proqramlarını seçicilərə təqdim etmək üçün bərabər şəraitdə olacaqlar. Debatlar jest dilində tərcümə ilə təmin olunacaq. Gürcüstanın Birinci Kanalı debatların Azərbaycan və erməni dillərinə tərcüməsini təmin edir. Həmçinin, Gürcüstan radiosunun efiri ilə yayımlanacaq.

Debatlarda altı səriştəli partiyanın nümayəndələri iştirak etməli idilər: “Dəyişikliklər naminə koalisiyası Qvaramia, Melia, Qirçi, Droa”, “Birlik – Milli Hərəkat”, “Avropalı Demokratlar”, “Gürcüstanın Vətənpərvərlər Alyansı”, “Qirçi” “, “Gürcü Arzusu – Demokratik Gürcüstan”ın nümayəndələri, lakin “Dəyişikliklər naminə koalisiyası Qvaramia, Melia, Qirçi, Droa” və “Birlik – Milli Hərəkat” debatlarda iştirakdan imtina etdilər.

Seçkiöncəsi debatların hüquqi reqlamentləri

İctimai Yayımçı seçkiöncəsi debatlarda bütün səriştəli seçki subyektlərinin bərabər iştirakını ayrı-seçkiliyə yol verilmədən təmin etməlidir. “Yayımçılıq haqqında” Gürcüstan qanunu, maddə 55(2)

Bu qanunla müəyyən edilmiş efir vaxtının bərabər bölünməsi, seçkiöncəsi debatlarda iştirak edərkən eyni şəraitin yaradılması öhdəliyi İctimai Yayımçıya və yalnız səriştəli seçki subyektlərinə münasibətdə şamil edilir. Gürcüstanın üzvi qanunu “Gürcüstanın Seçki Məcəlləsi”, maddə 185(2-4).