Oktyabrın 1-də Bruno Mars konserti ilə əlaqədar avtobuslar uzadılmış saatlarla işləyəcək. Bu barədə Tbilisi meri Kaxa Kaladze paytaxt hökumətinin bugünkü iclasında məlumat verib.

Xüsusilə, Kaladzenin sözlərinə görə, bəzi avtobuslar saat 2:00-a qədər işləyəcək.

“Bildiyiniz kimi, oktyabrın 1-də Tbilisidə Dinamo Arenada görkəmli və uğurlu müğənnilərdən biri, gürcü dinləyiciləri tərəfindən çox sevilən Bruno Mars öz qrupu ilə çıxış edəcək. Nə yaxşı ki, Tbilisi bayramı ilə üst-üstə düşür. Biz qərar qəbul etmişik ki, konkret marşrutlar üzrə avtobusların hərəkəti konsert gecəsi səhər saat ikiyə qədər uzadılsın. Bu, konsertə gələnlərin evə vaxtında çatmasına kömək etmək üçün vacibdir. 306, 308, 311, 315, 320, 327, 381, 384, 386 nömrəli avtobuslar gecə saat ikiyə qədər işləyəcək. Düşünürəm ki, konsertə gələn insanları dəstəkləmək vacib qərardır”, – deyə Kaxa Kaladze bildirib.