Böyük Yeddiliyin maliyyə nazirləri və mərkəzi bank rəhbərləri Ukrayna üçün 19,8 milyard dollar səfərbər etdiklərini və lazım gələrsə, əlavə maliyyə yardımı vəd etdiklərini bildiriblər, – bu barədə Reuters xəbər verir.

“2022-ci ildə biz 19,8 milyard dollar dəstəyi səfərbər etdik, o cümlədən 9,5 milyard dolları Ukraynaya maliyyə boşluğunu örtmək və Ukrayna xalqına əsas xidmətləri göstərməyə davam etmək üçün öhdəliklər”, – Böyük Yeddiliyin bəyanatında deyilir.

“Bundan əlavə, biz Böyük Yeddiliyin və beynəlxalq maliyyə institutlarının Ukrayna üçün gələcək əhəmiyyətli maliyyələşdirmə, xüsusən də Avropa Komissiyasının 9 milyard avroya qədər əlavə makro-maliyyə yardımı təklifi üzrə davam edən işini alqışlayırıq. Avropa Yenidənqurma və İnkişaf Bankı, eləcə də Beynəlxalq Maliyyə Korporasiyası vasitəsilə Ukraynanın dövlət müəssisələri və özəl sektoruna əlavə planlaşdırılmış dəstək 3,4 milyard dollar təşkil edir. Biz müharibə boyu və ondan sonrakı müddətdə Ukraynanın yanında olmağa davam edəcəyik və lazım gələrsə, daha çox şey etməyə hazırıq”, – sənəddə deyilir.