Böyük Yeddilik (G7) liderləri birgə bəyanat yayıblar: “Biz Ukraynada hərbi istehsalın artırılması məqsədilə Ukrayna üçün lisenziyaların verilməsi məsələsini nəzərdən keçirməyə hazırıq.”

Böyük Yeddilik (G7) liderləri Fransada keçirilən sammitdən sonra yaydıqları bəyanatda Ukraynada zenit-raket tutucularının istehsalı üçün lisenziyaların verilməsi imkanını nəzərdən keçirməyə hazır olduqlarını bildiriblər.

“Yeni dinamikanı dəstəkləmək və sürətləndirmək məqsədilə hava hücumundan müdafiə imkanlarının, əlavə sistemlərin və raket-tutucuların, eləcə də uzaq mənzilli zərbə vasitələrinin tədarükünü artırmaq barədə razılığa gəldik. Həmçinin, Ukraynada hərbi istehsalın artırılması üçün Ukraynaya lisenziyaların verilməsi məsələsini nəzərdən keçirməyə hazırıq”, – liderlər birgə bəyanatda qeyd ediblər.

Bəyanatda liderlər Ukraynanın azadlığını, suverenliyini və ərazi bütövlüyünü qorumaq məqsədilə ona göstərilən qəti dəstəyi bir daha təsdiqləyiblər. Onlar Ukraynanın dözümlülüyünü və son aylarda cəbhədə əldə etdiyi uğurları vurğulayıblar.

Bu tendensiyanı qorumaq üçün liderlər hava hücumundan müdafiə sistemlərinin, əlavə vasitələrin və uzaq mənzilli silahların tədarükünü artırmaq barədə razılığa gəliblər. Həmçinin, ölkənin qarşıdakı qışı daha rahat keçirməsi üçün yardım göstərilməsinin davam etdirilməsi barədə də razılıq əldə olunub.