Almaniyanın müdafiə naziri Boris Pistorius Parisə səfəri zamanı Fransanın parlament seçkilərində liberal qüvvələr qalib gəlsə, daha çox xoşbəxt olacağını bildirib.

O deyib ki, Avropanın tarixi millətçiliyin insanlara problemlərin həlli yollarını təklif etmədiyini göstərir.

“Mən özümün və Almaniyanın adından deyə bilərəm ki, millətçilik heç vaxt problemlərə cavab olmayıb. Bu, Avropa tarixindən gözardı edilməməsi gərəkən bir dərsdir. Buna görə də demokratik, azad və avropapərəst qüvvələri və müvafiq olaraq, Avropanın gələcəyini gücləndirəcək real nəticə əldə olunarsa, mən şad olaram”- Pistorius bildirir.

Xatırladaq ki, son sosioloji araşdırmalarda Fransada parlament seçkiləri öncəsi ifrat sağçılar liderlik edirlər.