Biz Gürcüstana Avropa İttifaqı namizədi statusunun sürətləndirilmiş şəkildə verilməsinin tərəfdarıyıq, Avropa Komissiyasının 2022-ci ildə verdiyi tövsiyələrin icrası baxımından əldə edilmiş nəticələri tanıyırıq, – Bolqarıstan Parlamentinin Xarici Əlaqələr Komitəsinin sədr müavini Yekaterina Zaxarova bildirib.

Onun sözlərinə əsasən, Gürcüstan Cənubi Qafqaz və Qara dəniz regionunda mühüm tərəfdaşdır.

“Ölkəmiz Gürcüstanın Avropa və Avro-Atlantik yoluna və onun Avropaya inteqrasiya yolunda davamlı irəliləyişinə ardıcıl dəstəyini davam etdirir, bu da Avropa İttifaqına qoşulmanın ölkənin inkişafına və Gürcüstanın Avropa İttifaqı ilə Assosiasiya Sazişini və Dərin və Hərtərəfli Açıq Ticarət Məkanı Sazişini müəyyən edən Kopenhagen meyarlarının yerinə yetirilməsinə əsaslanmasını əsas götürür. Gürcüstanın qeyd olunan yolla getmək cəhdləri müsbət qiymətləndirilir. Bəyannamə müəllifləri Gürcüstanın Avropaya inteqrasiya yolunda əldə etdiyi nailiyyətləri qeyd edir, bu prosesdə onu dəstəkləməyə və zəruri islahatların həyata keçirilməsi yolunda müvafiq köməklik göstərməyə hazır olduqlarını bildirirlər. Bolqarıstanın davamlı və sabit, inkişaf etmiş qonşuları və tərəfdaşları olması xüsusilə regionda çətin təhlükəsizlik vəziyyəti şəraitində strateji əhəmiyyət kəsb edir. Bəyannamədə Gürcüstan, Abxaziya və Cənubi Osetiyanın suveren ərazilərinin Rusiya Federasiyası tərəfindən qanunsuz işğalı qınanır və Gürcüstanın beynəlxalq hüquqla tanınan sərhədləri daxilində müstəqilliyi, suverenliyi və ərazi bütövlüyü qeyd-şərtsiz dəstəklənir.

Biz Gürcüstana Avropa İttiifaqına namizəd statusunun sürətləndirilmiş şəkildə verilməsinin tərəfdarıyıq, Avropa Komissiyasının 2022-ci ildə verdiyi tövsiyələrin icrası baxımından əldə edilmiş nəticələri tanıyırıq. Bəyannamənin müəllifləri Gürcüstan və onun xalqının vahid Avropa gələcəyinə malik olmasını dəstəkləyirlər. Xarici Siyasət Komitəsi Gürcüstanın Avropa və Avro-Atlantik istəklərini dəstəkləyən və ona namizəd statusu verən bəyannaməni dəstəkləməyi təklif edir”, – Yekaterin Zaxarova bildirib.

Bolqarıstan parlamenti Gürcüstana Avropa İttifaqına namizəd ölkə statusunun verilməsini dəstəklədiyi bəyannamə qəbul edib.

Ekaterine Zaxarovanın şərhini Gürcüstan Xarici İşlər Nazirliyi dərc edib.