Bolqarıstanda silah anbarında partlayış yanğına səbəb olub
Fire and smoke rise near an ammunition warehouse, near the village of Tsareva Livada, Bulgaria, September 12, 2026. Stringer/via REUTERS
Bolqarıstanda silah anbarında baş verən partlayış yanğına səbəb olub.
Yayılan məlumata görə, hadisə gecə yarısı Tsareva Livada kəndi yaxınlığında baş verib. Partlayış nəticəsində xəsarət alan olmayıb. Bu, son bir neçə həftə ərzində sursat anbarında baş verən ikinci yanğındır.
Yerli media EMCO şirkətinin nümayəndəsinə istinadən xəbər verir ki, yanğın EMCO-nun idarəçiliyində olan obyektdə baş verib; qeyd etmək lazımdır ki, ötən ay şirkətin digər obyektində də partlayış baş vermişdi.
EMCO-ya bolqarıstanlı silah taciri Emilian Qebrev rəhbərlik edir; Bolqarıstan Prokurorluğunun iddialarına görə, rusiyalı agentlər tərəfindən onun mülkiyyətində olan obyektlərə edilən hücumların əsas hədəfi məhz o olub. Ölkənin Daxili İşlər Nazirliyinin məlumatına görə, qurum silah anbarında baş verən yanğının səbəblərini, o cümlədən təxribat ehtimalını araşdırır.