Ukrayna barədə və Rusiya vətəndaşları üçün viza qadağası mövzusunu müzakirə etməklə yanaşı, digər vacib məsələ sabah Ukrayna, Moldova və Gürcüstanın xarici işlər nazirləri ilə keçirəcəyimiz görüşdür-bu barədə Rumıniyanın xarici işlər naziri Boqdan Auresku bildirib .

O bildirib ki, bu çox vacib görüşdür, çünki bu, Avropa İttifaqının sözügedən ölkələrə namizəd statusunun təmin edilməsi ilə bağlı olduqca cəsarətli qərarından sonra keçiriləcək ilk görüşdür.

“Bu ölkələri dinləyəcəyik, gələcək üzvlük üçün zəruri islahatlar prosesində onları nə ilə təmin edə biləcəyimizi öyrənəcəyik, həmçinin dayanıqlığı gücləndirmək üçün yardımımızı artırmaq labüddür.

Şərq Tərəfdaşlığı çox vacibdir, çünki keçən il son sammitdən sonra geosiyasi və strateji baxımdan çox şey dəyişdi. Beləliklə, biz Şərq Tərəfdaşlığını yeni mühitə necə uyğunlaşdırmağı müzakirə etməliyik və bu ölkələrin Avropa İttifaqı ilə daha yaxşı əlaqə qurması üçün ölkələrə islahatların həyata keçirilməsinə kömək etməliyik və Şərq Tərəfdaşlığını daha da görünən etmək üçün daha çox konkret proqramlar təklif etməliyik” – deyə Rumıniyanın xarici işlər naziri bildirib.