BMT-nin İnsan Hüquqlarının Müdafiəsi Ofisi İsraili tənqid edir və müharibənin başlamasından sonra İordan çayının qərb sahilində 500-dən çox fələstinlinin həyatını itirməsinə səbəb olan İsrailin Silahlı Qüvvələri və yeni məskunlaşanlar tərəfindən zorakılığa son qoyulmasına çağırır.

Bəyanatda, İsrailin İordan çayının qərb sahilində “lazımsız və qeyri-mütənasib” güc tətbiq etdiyi qeyd olunub. BMT-nin İnsan Hüquqlarının Müdafiəsi Ofisində yaralılara tibbi yardım göstərilməsindən sistematik şəkildə imtina edilməsini qınadıqlarını bildirirlər.

BMT-nin İnsan Hüquqlarının Müdafiəsi Ofisində qeyd etdikləri kimi, fələstinlilərin ölümü ilə bağlı sənədləşdirilmiş 505 hadisədən 80-ni araşdırıblar. “İsrailin təhlükəsizlik qüvvələri tərəfindən lazımsız və qeyri-mütənasib öldürücü gücdən istifadə yoluyla insan hüquqlarının beynəlxalq normalarının davamlı olaraq pozulması və məqsədyönlü şəkildə planlaşdırılan qətllərin sayının artması aşkar edilib”-BMT-nin İnsan Hüquqlarının Müdafiəsi Məsələləri üzrə Ali Komissarı Volker Turk qeyd edir.

Bununla yanaşı, bəyanatda deyilir ki, “İordan çayının qərb sahilində həlak olanlar arasında həyat üçün açıq-aşkar təhlükə yaratmayan, daş və ya fişənglə silahlanmış uşaqlar da var”.

Qeyd edilməlidir ki, İsrailin təhlükəsizlik qüvvələri son aylar ərzində İordan çayının qərb sahilində minlərlə insanın saxlanılması ilə nəticələnmiş reydlər və sərt tədbirlər həyata keçirirdi.

“İşğal olunmuş İordan çayının qərb sahilində oxşar cinayətlərə görə hərtərəfli cəzasızlıq uzun zamandır adi hala çevrilib. Bu cür cəzasızlıq İsrailin təhlükəsizlik qüvvələri tərəfindən getdikcə daha çox qanunsuz qətllər üçün əlverişli şərait yaradıb” – deyə Volker Turk bildirib.