BMT-nin Ərzaq və Kənd Təsərrüfatı Təşkilatının (FAO) ekspertləri Karib dənizinin beş ölkəsinə səfər ediblər. Məlumatı BMT-nin Ərzaq və Kənd Təsərrüfatı Təşkilatı yayır.

Təşkilatın yaydığı məlumata əsasən, səfərin məqsədi Gürcüstanda yaradılmış “heyvanların identifikasiyası-qeydiyyatı və izlənilmə sistemi”nin adıçəkilən ölkələrə köçürülməsi və uğurla həyata keçirilməsi olub. NAITS-i FAO-nun texniki dəstəyi ilə Milli Qida Agentliyi həyata keçirir.

“Bu mərhələdə NAITS sistemə maraq göstərdikdən sonra aşağıdakı ölkələrdə beynəlxalq səviyyədə tətbiq edilmişdir: Antiqua və Barbuda, Barbados, Qayana, Sent-Lüsiya və Sent Vinsent və Qrenadinlər. Sistem daha iki ölkədə – Şimali Makedoniya və Mavriki adalarında tətbiq edilir.

NAITS Gürcüstanda qanuni olaraq müəyyən edilə bilən ev heyvanları haqqında müxtəlif məlumatları qeydiyyata alan elektron platformadır. Layihə ölkədə ərzaq risklərinin azaldılmasına və heyvandarlıq sektorunda məhsuldarlığın artırılmasına xidmət edir. NAITS-in məqsədi heyvanların və onların məhsullarının izlənməsi vasitəsilə heyvan sağlamlığının və qida təhlükəsizliyinin yaxşılaşdırılmasına töhfə verməkdir. O, fermerlərə regional və beynəlxalq bazarlara çıxışa və Aİ bazarının idxal tələblərinə cavab verməyə kömək edir. Proqram Avropa İttifaqı ilə dərin və hərtərəfli azad ticarət zonası haqqında sazişin həyata keçirilməsində də mühüm rol oynayır” – məlumatda qeyd olunur.