“Bloomberg” – ABŞ müttəfiqlərinə əsas silahların tədarükünün beş ilədək gecikə biləcəyi barədə xəbərdarlıq edib

ABŞ müttəfiqlərinə əsas silahların tədarükünün beş ilədək gecikə biləcəyi barədə xəbərdarlıq edib, – bu barədə “Bloomberg” mənbələrə istinadən yazır.

Yüksək vəzifəli şəxslərin məlumatına görə, Avropa ölkələri əsas raket sistemlərinin və hava hücumundan müdafiə sistemlərinin tədarükünün gecikəcəyini gözləyirlər, çünki ABŞ ordusu İranla müharibə zamanı arsenalını tükədib.

“Bloomberg”in məlumatına görə, Almaniya ABŞ-dan uzun mənzilli raketlərin və “Tayfun” tipli sistemlərin tədarükünü sürətləndirməsini istəyib, hərçənd, agentlik istehsalçının növbəti beş ildə sifarişi yerinə yetirməsinin ehtimalının az olduğunu qeyd edir.

Bununla yanaşı, mənbələrin bildirdiyinə görə, ABŞ və İsrailin 28 fevralda İrana qarşı müharibəyə başlamasından sonra, Amerika sistemlərindən asılı olan bəzi Şərqi Avropa ölkələrinə silah tədarükü artıq gecikib.

“Bloomberg” qeyd edir ki, Pentaqonun öz ehtiyatlarına üstünlük vermək qərarı Ukraynanın qış gəlməzdən əvvəl ABŞ-ın onlara daha çox “Patriot” tipli raketlər göndərməsi ilə bağlı cəhdlərini də çətinləşdirir. Ukrayna üçün hava hücumundan müdafiə məsələsi gələn həftə, BMT-nin iclaslarında əsas mövzulardan biri olacaq.

Ehtiyatların qıtlığı yalnız ABŞ və Avropaya aid deyil. Aprel ayında ABŞ Yaponiyaya məlumat verib ki, “Tomahawk” tipli raketlərin tədarükü iki ilə qədər gecikəcək.

Bununla yanaşı, mənbələrin məlumatına görə, ABŞ avropalı müttəfiqlərin NATO və Avropa İttifaqı təşəbbüsləri çərçivəsində Ukrayna üçün satın aldıqları silahların tədarükünü yenə də davam etdirir.