Gürcüstanın Birinci Kanalı 2022-ci ilin xülasəsini dərc edir.
İctimai Yayımçı ölkənin yaradıcılıq sahəsinə olduqca əhəmiyyətli töhfə verir və tamaşaçılara bütün platformalarda rəngarəng məhsullar təklif edir.
“2022-ci ildə məqsədimiz gürcü məhsullarının yaradılmasını təşviq etmək idi. Xarici istehsal layihələrinin maliyyələşdirilməsinə 7 milyon laridən çox vəsait xərclənib və efirin 30 faizini təşkil edib. Aktiv şəkildə istifadə etdiyimiz yeni istehsal modeli bizə gürcü yaradıcılıq sənayesinin inkişafında həlledici rol oynamağımıza imkan verir”- deyə Birinci Kanalın baş direktoru Tinatin Berdzenişvili açıqlayıb.
2022-ci ildə Birinci Kanalın efiri dünyanın ən böyük və ən mühüm idman tədbirlərinə ev sahibliyi edirdi, eləcə də payız mövsümündə yayımçı gürcü teleməkanında ilk dəfə iki gürcü bədii serialını tamaşaçılara təqdim etdi.
Ötən il xarici istehsal məhsullarına 7 milyon laridən çox xərclənmişdir ki, bu da ümumi efirin 30 faizini təşkil edir. Kiçik və orta biznesin inkişafı üçün olduqca əhəmiyyətli addım olan və bir çox insanın işlə təmin olunmasını və karyera yüksəlişini nəzərdə tutan “Shark Tank Georgia” layihəsi platformasında gürcü biznesinə 3 milyon lari sərmayə qoyulub.
Əvvəlki mövsümdə ən məşhur onlayn gürcü oyununun “Sadə Məntiq”in yeni versiyası buraxıldı. 2022-ci ildə 1TVPLAY tətbiqi 140.000 istifadəçi tərəfindən yazılıb. Tətbiq vasitəsilə Gürcüstanın bütün regionlarından 4000 şagirdin iştirak etdiyi “Teleməktəb”in riyaziyyat olimpiadası keçirilib.
2022-ci il kanal üçün yenilənmiş vizual kimliyin yaradılması, rəngarəng xarici fəaliyyətlər və rəqəmsal məhsulların inkişafı ilə yadda qalıb.
Gürcüstanın Birinci Kanalı Ukraynanın İctimai Yayımçısı ilə sıx əməkdaşlıq edirdi və indi də edir. Avropa Yayımçılar İttifaqının iştirakı ilə Ukrayna xalqına dəstək məqsədilə bu günədək bir sıra birgə layihələr planlaşdırılıb və həyata keçirilib.
Yayımçının məqsəd və vəzifələri etibarlı və təsdiqlənmiş məlumat verməklə cəmiyyətə və hər bir insana xidmət etməyə ; Milli dəyərləri qoruyaraq, cəmiyyət və hər bir insan üçün vacib və dəyərli olanı təqdim etməklə ən yaxşı məhsulu yaratmağa istiqamətlənib.
