Bu gün oktyabrın biridir, azadlığın qayıdış günüdür, ölkəmizin çoxəsrlik tarixində Gürcüstan və gürcü xalqının misilsiz birliyini ifadə edən gündür. Müstəqil Gürcüstanın tarixində əsas qələbəni və gürcü insanın ləyaqətini qaytarmasını ifadə edən gün – bu, “Gürcü arzusu”nun fəxri sədri Bidzina İvanişvilinin bəyanatında deyilir.

Bidzina İvanişvilinin sözlərinə əsasən, oktyabrın 1-i heç bir partiyaya, heç bir şəxsə aid deyil, gürcü xalqına, Gürcüstan vətəndaşlarına məxsusdur.

“2012-ci il oktyabrın 1-i tariximizin əsas təməl daşlarından biri, gürcü xalqının varlığına əsas olan səbəblərdən biri, gürcü genini və əcdadlarımızın irsini ən yaxşı ifadə edən gündür – düşmən nə qədər güclü olsa da, daxili və ya xarici, məsələ xalqımızın ləyaqətinə və azadlığa gəldikdə, geriyə dönüş yoxdur!

Ləyaqət və azadlıq gürcü insanı üçün qırmızı xəttdir, keçilməməsi lazım olan Rubikondur, amma hələ də bu çayda üzməyə cəsarət edirsənsə, gürcü xalqının, Gürcüstan övladlarının birliyinin gücü səni aparacaq!

1 oktyabr heç bir partiyaya, heç bir şəxsə aid deyil, 1 oktyabr gürcü xalqının, bu heyrətamiz birlik ilə “Gürcü arzusu” ilə birlikdə ölkədən, bizə azad nəfəs almağa, öz fikrimizi bildirməyə, həqiqət uğrunda ləyaqətlə mübarizə aparmağa, ailə və yaxınlarımızın qayğısına qalmağa, işləməyə, bizneslə məşğul olmağa, təhsil almağa, qocalığı ləyaqətlə yaşamağa imkan verməyən biabırçı qara ləkəni yuyub aparan Gürcüstan vətəndaşlarınındır. ”, – deyə məlumatda bildirilir.

Onun dediyinə əsasən, vətənpərvərlik hər şeylə yanaşı təkcə əlində silah vətəni qorumaq deyil, heç kimin səsini ucaltmağa cəsarət etmədiyi ən çətin anda ədalətsizliyə qarşı səsini ucaltmaq cəsarətidir.

“Biz cəsarət etdik! Biz qeyri-mümkün olanı edə bildik və əgər 2011-ci ildə mən siyasətə gələndə insanlar hətta küçələrə çıxıb toplaşmaqdan belə qorxurdularsa, 2012-ci il sentyabrın 29-da ən azı yarım milyon vətənpərvər Tbilisinin küçələrində düzüldü. Hamıya göstərməyə ki, biz heç kimdən və heç nədən qorxmuruq və oktyabrın 1-də biz səsvermə qutularının yanına getdik və nəinki sağ qaldıq, hətta qalib gəldik!

Biz bu birliyin gücü ilə şəri xeyirlə, yalanı həqiqətlə qan tökmədən məğlub edə bildik. Məhz xalqımızın bu misilsiz birliyi idi ki, ondakı rejim və onların yadelli ağaları qarşısında dayana bilmədi! Ona görə də bu gün qürurumuzun ortaq əsasıdır! Gürcüstan vətəndaşlarının birliyinin və bu birliyin gücünün əlaməti və simvolu!

Bu gün bizimdir, 26 may kimi, 9 aprel kimi!

Bütün bunlara görə vətən sizə minnətdardır, mən də sizin bir silahdaşınız, bir gürcü insanı kimi minnətdaram!

Mən bugünkü fürsətdən istifadə edərək, “Gürcü arzusu”nun hər bir üzvünə, hər bir silahdaşına və tərəfdarına təşəkkür edirəm. 1 oktyabrdan ötən 12 il ərzində qorxmadan bizimlə olan, minalanmış sahədə ləyaqətlə addımlayan və bu gün yenidən bizimlə olmaq üçün hər cür təzyiqə dözən hər kəsə təşəkkür edirik!

2012-ci il oktyabrın 1-də Gürcüstanın tarixinin çarxı çevrildi. Biz nəinki avtoritar rejimi məğlub edib ölkəyəni qaytardıq, o gündən başlayaraq “Gürcü arzusu” hakimiyyətə gəldikdən sonra prinsipial olaraq bütün sahələrdə, bütün istiqamətlərdə istər insan haqları, istər məhkəmə, istər iqtisadiyyat, istərsə də digər sahələrdə vəziyyəti əsaslı surətdə yaxşılaşdırdıq. Bunu təkcə bizim sözümüz və vətəndaşlarımızın özlərində hiss etdikləri rifah yox, həm də ölkəmizin irəliyə doğru gedən beynəlxalq reytinqləri təsdiq edir!
Elə bir sahə yoxdur ki, hətta ən qərəzli adam belə desin ki, 2012-ci ilə qədər yaxşı olub, 2012-ci ildən sonra isə pisləşib. Bu, bizim opponentlərimizin gizlətməyə, təhrif etməyə, çirkinləşdirməyə və iqnor etməyə çalışdığı faktdır, lakin gürcü xalqı hər şeyi görür.
Hamımızın gördüyümüz bu nəzərəçarpacaq irəliləyiş təkcə bizim əzm və səylərimizin deyil, həm də son 12 ildə getdiyimiz və bu günə qədər də yeriməyə davam etdiyimiz qıl körpüsündə düzgün yeriməyimizin nəticəsidir.
Bəli, biz son vaxtlara qədər əhalini ruhdan salmamaq üçün bu mövzunu ictimai şəkildə danışmamağa çalışırdıq, amma 2012-ci il oktyabrın 1-dən – indiyə qədər Gürcüstan hakimiyyəti və “Gürcü arzusu” qıl körpüsündə gəzməli olur, xarici və daxili düşmənlər tərəfindən daima inqilablar təşkil etmək və ölkədəki rejimi pozmağa çalışmaq, ölkədə davamlı sülhü qorumaq və 2008-ci ildə bizlərində yaşadığı, indi Ukraynada baş verənlərə imkan verməmək üçün. Şəhərlərimizə, kəndlərimizə, uşaqlarımıza od yağışı yağmasın!
İctimaiyyət bilməlidir ki, bu qıl körpüsündən keçərkən müstəqilliyimiz, əmin-amanlığımız, azadlığımız, inancımızın, mədəniyyətimizin, tariximizin və uğrunda 2012-ci il oktyabrın 1-də birləşdiyimiz dəyərlərimizin müdafiəsi uğrunda mübarizənin əsas xətti keçirdi!

Siyasi komandamız Gürcüstanı və xalqımızı bu qıl körpüsündən zəfərlə, 12 il davamlı sülhlə apara bildi və indi bu çətin yolun son hissəsini keçərkən görünməmiş birlik nümunəsini bütün dünyaya bir daha göstərməyimiz çox vacibdir və oktyabrın 26-da keçiriləcək seçkilərdə hamımız çıxaq ki, Gürcüstan əhalisinin “Gürcü arzusu”nu dəstəkləməsinə heç kim zərrə qədər də şübhə yaratmağa cəsarət etməsin.

Gürcüstan əhalisinin müharibəni deyil, sülhü seçdiyinə heç kəsin zərrə qədər şübhəsi olmasın; xarici ölkənin agentlərinə yox, gürcü xalqının maraqlarını müdafiə edən komandaya; psevdoliberal dəyərlərə deyil, milliyyət, ailə, inanc və müstəqilliyə əsaslanan dəyərlər; Radikal müxalifətin və xarici aktorların avropalı kimi göstərmək istədikləri qəti şəkildə qəbuledilməz durum deyil, ölkəmizin layiqli Avropa gələcəyi!

Buna görə də 26 oktyabr parlament seçkilərində “Gürcü arzusu”nun konstitusiya çoxluğunu qazanması prinsipial əhəmiyyət kəsb edir. Konstitusiya çoxluğu ona görə ki: “Milli Hərəkat” kollektivi əvvəlcə konstitusiyaya zidd elan edilsin, sonra isə terroru, qətli, öz əhalisinə işgəncələri dayandırmayan, müharibə alovunu alovlandıran rejim bütün qanunların sərtliyi ilə cəzalandırsın;
Gürcüstanı xarici qüvvələrin agentlərindən ibarət “Milli Hərəkat” kollektivi deyil, xalqımızın seçdiyi hökumət idarə etsin deyə; Birlikdə uzun müddətdir arzu etdiyimiz və sülh yolu ilə, barışıq və qarşılıqlı bağışlama əsasında vətənimizi birləşmiş görmək üçün; Ailəni, milliyyəti, imanı təhqir etmək və alçaltmaq üçün davamlı cəhdlərə əbədi son qoymaq və Pravoslav Kilsəsinin müstəqilliyini gücləndirmək və qorumaq üçün konstitusiyada Pravoslav Kilsəsinin Gürcüstan dövlət identikliyinin dirəyirolunu əks etdirməliyik.
Bundan irəli gələrək, oktyabrın 26-da gündəm siyasi simpatiya-antipatiya deyil, Gürcüstanın varlığı – yoxluğu məsələsidir!

Biz Tanrı və Vətən qarşısında övladlarımıza, gələcək nəsillərimizə müstəqil və dinc Gürcüstanı saxlamağı borcluyuq. Buna görə də oktyabrın 26-da yenidən birləşməli və qalib gəlməliyik! Bizim yeganə yolumuz yalnız sülh, ləyaqət və firavanlıqla Avropaya doğru! Yaşasın birləşmiş, güclü və parlaq Gürcüstan!”, – Bidzina İvanişvilinin bəyanatında deyilir.