Sabah Zaporojie Atom Elektrik Stansiyasını ziyarət edəcək Beynəlxalq Atom Enerjisi Agentliyinin rəhbəri Rapael Qross Zaporojie Atom Elektrik Stansiyasında vəziyyətin kövrək və fəlakət riskinin yenə də mövcud olduğunu bildirir. Məlumatı “Reuters” yayır.

Onun Ukraynanın Prezidenti Volodimir Zelenski və digər Ukrayna rəsmiləri ilə Kiyevdə görüşündən sonra qeyd etdiyi kimi, görüşdə Zaporojie Atom Elektrik Stansiyasında mövcud vəziyyətdən başqa, Kursk Atom Elektrik Stansiyasında cari vəziyyəti də müzakirə ediblər.

“Zaporojie Atom Elektrik Stansiyasında vəziyyət olduqca kövrəkdir. Bəzən müəyyən sabitləşmə olur, lakin sonra yeni problem yaranır. Dronun zərbəsi və ya bu gün olduğu kimi, mövcud iki elektrik xəttindən birinin keçirilməsi stansiyanın yenidən sönmə həddində olması mənasına gəlir. Elektrik enerjisinin kəsilməsi o deməkdir ki, soyutma mümkün olmayacaq, bu isə ola bilsin fəlakətə səbəb olsun” – Qross bildirib.

Rus xəbər agentlikləri stansiyada elektrik xəttinin avtomatik olaraq sönməsi haqda məlumat yayıblar. Ukraynada isə ona rusların hücumlarının zərər vurduğunu bildiriblər.

Keçən həftə Rapael Qross Kursk Atom Elektrik Stansiyasında olub.