İsveçrə Konfederasiyasının paytaxtı Berndə FERNWEH festivalı çərçivəsində “Gürcü Şərab Forumu” keçirilib. Gürcüstanın Ətraf Mühitin Mühafizəsi və Kənd Təsərrüfatı Nazirliyinin məlumatına görə, bu, İsveçrədə ilk belə tədbirdir və gürcü şərabının tanınması və ixracının təşviqi üçün xüsusilə vacibdir.

Bern şəhərinin meri Alek fon Qraffenried Şərab Forumunda iştirak edib, gürcü şərabçılığının tarixi və gürcü şərab şirkətlərinin təqdim etdiyi şərablarla tanış olub.

Bern şəhərində keçirilən budəfəki FERNWEH festival yerli əhaliyə xarici ölkələrin mədəniyyətini tanıtmaq məqsədi daşıyır. Bu gün 8000 illik ənənəyə və küplərdə şərab istehsalı tarixinə malik olan Gürcüstanla, eləcə də əvvəllər bilmədiyim müxtəlif bölgələrin şərabları ilə tanış oldum. Bu forumda iştirak etdiyim üçün şadam. İsveçrədə gürcü şərabına uğurlar arzulayıram”, – deyə Bern meri bildirib.

Gürcüstan Şərab Forumu Ekologiya və Kənd Təsərrüfatı Nazirliyi, Milli Şərab Agentliyi və Milli Turizm Administrasiyasının dəstəyi ilə İsveçrədə keçirilib və Gürcüstanın İsveçrə Konfederasiyasındakı Səfirliyi, Gürcüstan Şərab Qalereyası və Gürcüstan Mədəniyyət Mərkəzi tərəfindən təşkil olunub.

Forum çərçivəsində Gürcüstan Şərab Qalereyasının (GeoHaus GmbH) təsisçisi Zviad Arabidze də gürcü şərabının təqdimat-dequstasiyasını təqdim edib. Qeyd edək ki, Gürcüstan şərabının təbliğinə töhfə verəcək Ekologiya və Kənd Təsərrüfatı və Gürcüstan səfirliyinin dəstəyi ilə bu il İsveçrənin Sürix şəhərində ilk gürcü şərab qalereyası açılıb. Gürcüstan şərab qalereyasının açılması ideyası gürcü iş adamı Zviad Arabidzeyə məxsusdur”, – deyə Ətraf Mühitin Mühafizəsi və Kənd Təsərrüfatı Nazirliyi bildirib.

Forum çərçivəsində “Şərabın vətəni Gürcüstan” elmi-sənədli filminin nümayişi keçirilib.