Gürcüstan Müdafiə Nazirliyinin “Armihole”-də bələdiyyələrin hərbi qeydiyyat, çağırış və səfərbərlik xidmətlərinin rəhbərləri üçün Müdafiə Məcəlləsi ilə bağlı məlumatlandırma görüşü keçirilib.

Müdafiə nazirinin müavini Qriqol Qiorqadze dəvət olunmuş qonaqlara Müdafiə Məcəlləsində hərbi xidmətə çağırışla bağlı nəzərdə tutulan dəyişikliklər barədə məlumat verib. O, həmçinin çağırışçıların milli hərbi xidmət keçməsi ilə bağlı gələcək əməkdaşlığın perspektivlərindən danışıb, buna əsasən 2025-ci il yanvarın 1-dən çağırışçıların milli hərbi xidmət keçməsinin yalnız Nazirlik sistemində mümkün olacağını bildirib. .

Təqdimatda Müdafiə Qüvvələri komandanının müavini, Baş Qərargah rəisi, general-mayor Coni Tatunaşvili də iştirak edib.

Gürcüstan parlamenti müdafiə məcəlləsini üçüncü oxunuşda plenar iclasda qəbul edib. Müdafiə Nazirliyi tərəfindən hazırlanmış müdafiə məcəlləsi Gürcüstan ordusunun gücləndirilməsi və onun institusional inkişafı üçün daha bir mühüm addımdır. Müdafiə Məcəlləsi ilə bağlı bələdiyyələrin hərbi qeydiyyat, çağırış və səfərbərlik xidmətlərinin əməkdaşları üçün də analoji məlumatlandırma görüşləri keçiriləcək.

Məlumatı Gürcüstanın Müdafiə Nazirliyi yayıb.