“BBC” – Rusiya MSK-nın ilkin nəticələrinə görə, “Vahid Rusiya” Dövlət Dumasında Ukraynada müharibə başlamazdan əvvəlkindən daha çox yer qazanacaq

Rusiya Mərkəzi Seçki Komissiyasının sədri Ella Pamfilovanın bəyanatına görə, parlament seçkilərinin ilkin nəticələrinə əsasən, “Vahid Rusiya” partiyası Dövlət Dumasında 355 yer sahibi olacaq.

“BBC”nin qeyd etdiyi kimi, bu, Rusiyanın Ukraynaya qarşı müharibəyə başlamasından əvvəl olduğundan daha böyük yerdir. 2021-ci ildə “Vahid Rusiya” 324 yer alıb.

Rusiya Mərkəzi Seçki Komissiyasının məlumatına görə, seçki protokollarının 95.18%-i sayıldıqdan sonra, Vladimir Putinin “Vahid Rusiya” (Edinaya Rossiya) partiyası səslərin 57.83%-ini toplayıb. 13.81% səslə ikinci yerdə “Rusiya Federasiyası Kommunist Partiyası“ (RFKP), 8.98% səslə “Liberal Demokrat Partiyası“ (LDP) və 7.96% səslə “Yeni Xalq” (Novıye Lyudi) partiyası qərarlaşıb.

Ukraynada müharibənin dayandırılmasını dəstəkləyən və bu mövqedə olan yeganə partiya olan “Yabloko” partiyası Rusiya Ali Məhkəməsi tərəfindən seçkilərdən kənarlaşdırılıb.

Ella Pamfilovanın bildirdiyinə görə, Dövlət Dumasına seçkilərdə seçici fəallığı 59.32% təşkil edib.