Batumi meriyasının maliyyə xidmətinin rəhbəri Ednar Nataridzenin dediyinə görə, Batumidə uçmuş yaşayış binası tamamilə sökülə bilər.

Onun sözlərinə görə, ekspertizanın nəticəsi artıq məlumdur.

“Girişlərindən biri uçmuş bina tamamilə sökülməlidir. Bu binanın ekspertizasının nəticəsini artıq bilirəm. Buna görə də, sökülmə işlərinə yarım milyon lari ayrılacaq və bu məsələni Sakrebulo iclasında qaldırdıq, praktiki olaraq sökülməyə tezliklə başlayacağıq “, – dedi Edna Nataridze.

Zədələnmiş binanın bitişik binalarına gəldikdə, Batumi mer vəzifəsini icra edən Lela Surmanidzenin sözlərinə görə, ilkin yoxlamaya görə, bu binalar sabitdir.

Qeyd edildiyi kimi, Kldiaşvili küçəsində yerləşən ev üçün heç bir təhlükə yoxdur, Memed Abaşidze küçəsinə bitişik bina da sabitdir, lakin əlavə ekspertizaya məruz qalacaq.

Sökülən binadan 55 ailə çıxarılıb. Onlara Meriya Bina Fondunsan ev, həmçinin pul kompensasiyası verilməsi planlaşdırılır. Meriya nümayəndələri bu gün bina sakinləri ilə görüş keçirəcəklər.