Basketbol üzrə dünya çempionatının seçmə oyunu ilə əlaqədar avqustun 24-də saat 14:00-dan 22:00-dək, Avropa çempionatının oyunu ilə əlaqədar isə sentyabrın 1-də saat 11:00-dan 00:00-dək Universitet küçəsində nəqliyyatın hərəkət sxemi dəyişdiriləcək və hərəkətə yalnız bir istiqamətdə icazə veriləcək – bu barədə Tbilisi meriyası məlumat yayır.

İdarədən verilən məlumatda, bundan başqa, analoji məhdudiyyətin sentyabrın 3-ü saat 11:00-dan sentyabrın 4-ü saat 00:00-dək və sentyabrın 6-sı saat 11:00-dan sentyabrın 7-si saat 00:00-dək tətbiq olunacağı deyilir. Bu müddət ərzində nəqliyyat yalnız bir istiqamətdə hərəkət edəcək.

“Nəqliyyat vasitələri Politkovskaya küçəsindən Tamaraşvili küçəsi istiqamətində hərəkət edə biləcəklər, Tamaraşvili küçəsindən isə Universitet küçəsinə dönmə məhdudlaşdırılacaq. Sürücülər Tamaraşvili küçəsindən Universitet küçəsi istiqamətində Vaja-Pşavela prospekti və Sandro Euli küçəsindən istifadə edərək hərəkət edə biləcəklər.

Universitet küçəsindən Danelia küçəsi istiqamətində hərəkət etmək mümkün olacaq, Danelia küçəsindən isə nəqliyyat vasitələri yalnız Tamaraşvili küçəsi istiqamətində hərəkət edəcəklər.

Qeyd olunan məhdudiyyətlər ictimai nəqliyyata şamil olunmayacaq və müəyyən edilmiş sxem üzrə hərəkət edəcək” – deyə Tbilisi meriyasının yaydığı məlumatda qeyd olunur.